Ջենիֆեր Լոպեսի երևանյան համերգի տոմսի արժեքը սկսվում է 490 եվրոյից

Ինչպես արդեն հայտնել ենք համաշխարհային սուպերաստղ Ջենիֆեր Լոպեսը համաշխարհային տուրի շրջանակներում համերգով հանդես կգա Երևանում։

Լոպեսի համերգը տեղի կունենա օգոստոսի 3-ին, Վազգեն Սարգսյանի անվան Հանրապետական ստադիոնում։

Ticket-am.com տոմսերի վաճառքի պաշտոնական կայքի հրապարակած տվյալների համաձայն՝ Ջենիֆեր Լոպեսի երևանյան համերգի տոմսերի արժեքները կազմում են՝ Categoria 1 – 378,400 ՀՀ դրամ, Categoria 2 – 236,500 ՀՀ դրամ, Fan Zone – 307,450 ՀՀ դրամ, General Admission – 212,850 ՀՀ դրամ:

Հիշեցնենք, որ Ջենիֆեր Լոպեսը տուրի շրջանակներում համերգներ կունենա նաև Թուրքիայում, Իսպանիայում, Եգիպտոսում, Հունգարիայում, Լեհաստանում, Արաբական Միացյալ Էմիրություններում, Ղազախստանում։