Logo dark variant
Սեղմեք Enter՝ որոնման համար կամ ESC՝ փակելու համար
«Եվրատեսիլ 2025»-ին ներկայացված Survivor հայաստանյան երգը կունենա նաեւ հայերեն հատված. այս մասին խոսվում էր վաղուց, սակայն հայտնի չէր, թե ինչ հայերեն տողեր են հնչելու Պարգի անգլալեզու երգում:
«Եվրատեսիլ»-ի պաշտոնական ինստագրամյան էջում Հայաստանի ներկայացուցիչը բացահայտել է իր երգի հայալեզու հատվածը՝ «Լույսը հոգումս վառվող, ոչ ոք մարել չի կարող»: Այս հատվածը կհնչի «Breathe in, breathe out, it’s all done. Never forget who you are» տողերի փոխարեն:
Մրցույթը տեղի կունենա մայիսի 13-ին, 15-ին ու 17-ին՝ Շվեյցարիայի Բազել քաղաքում:
Պարգը Survivor երգը կներկայացնի մայիսի 15-ին՝ երկրորդ կիսաեզրափակչի ընթացքում, 5-րդ համարի ներքո:
«Եվրատեսիլ 2025»-ի բեմում Պարգը միայնակ կլինի, այս մասին ավելի վաղ՝ Առաջին ալիքի «Առավոտ լուսո» ծրագրի շրջանակում հայտնել էր երգիչը: Պարգն ու մրցույթում Հայաստանի պատվիրակության ղեկավար Դավիթ Ծերունյանը, սակայն, շատ մանրամասներ չեն հաղորդել նրա ելույթի մասին, որպեսզի մրցութային օրը երկրպագուների համար անակնկալ լինի:
