Logo dark variant
Սեղմեք Enter՝ որոնման համար կամ ESC՝ փակելու համար
«Ինձ զանգեց մենեջերս ու ասաց, որ Շոն Բեյքերն է ուզում հետս խոսել, որ զանգեց սկսեց խոսել, ինձ թվաց կատակ է, Արամ MP3-ին է ձայնը փոխել խոսում է, հետո հարցրի, թե որտեղ է տեսել իմ ստենդափերը, ասաց, որ Կարեն Կարագուլյանն է իրեն իմ մասին պատմել։ Ես միանգամից սկսում եմ փնտրել Կարենին, տեսնում եմ՝ լուրջ դերասան է, ինստագրամով եմ նայում, տեսնում եմ, որ մի 5 տարի առաջ գրել է ինձ, թե որտեղ կարող է տեսնել իմ ստենդափերը, ես էլ այդ պահին պատասխանում եմ՝ Կարեն ջան, կներես, նոր տեսա գրածդ, 5 տարի հետո»,- Առաջին ալիքի եթերում՝ անդրադառնալով իր և Կարեն Կարագուլյանի ծանոթությանը, պատմել է Վաչե Թովմասյանը:
Նա նշեց, որ բավականին զավեշտալի է եղել դեպքը, Կարեն Կարագուլյանն իրեն 5 տարի առաջ գրել էր, բայց ինքը չէր տեսել նամակը, և Շոն Բեյքերի զանգից հետո է միայն տեսել:
Հիշեցնենք՝ 97-րդ «Օսկար» մրցանակաբաշխության ժամանակ Կարեն Կարագուլյանի ու Վաչե Թովմասյանի մասնակցությամբ «Անորա» ֆիլմը 5 «Օսկար»-ի է արժանացել։ Մրցանակաբաշխության «Լավագույն ֆիլմ» է ճանաչվել «Անորա»-ն:
