Logo dark variant
Սեղմեք Enter՝ որոնման համար կամ ESC՝ փակելու համար
Երգիչ, երաժիշտ Նիկ Էգիբյանը իսնտագրամի սթորի բաժնում տեսանյութ է հրապարակել, որտեղ նշում է, որ ամբողջ հրապարակումները հեղեղված են տարբեր մարդկանց մեկնաբանություններով և կարծիքներով:
«Շատ ագրեսիվ ձևով են արտահայտվում, որ ընտրությունը սխալ էր, որ պետք է նա չգնար, այլ՝ նա գնար և այլն:
Ժողովուրդ, կներեք, ես չեմ եղել նախըտրողը, 2-րդը՝ ես համաձայն եմ ընտրության հետ:
Ինձ համար 12 մասնակիցներից 2 մարդ կար մրցույթին պատրաստ լինելու առումով՝ և՛ ֆիզիկապես, և՛ հոգեբանորոն: Սիմոնն ու Պարգն էին, 2-ից ով էլ գնար համամիտ էի:
Լինոլով փորձերին, տեսնելով այդ մարդկանց ստաբիլությունը, երգածը և այլն, համաձայն եմ ընտրության հետ: Եթե դուք խնդիր ունեք դրա հետ, ձեր էջերում արտահայտվեք: Ես իմ էջում դրել եմ իմ կարծիքը, դա սուբյեկտիվ է, կարող եք համաձայնել կամ ոչ:
Հայաստանն ենք ներկայացնում, ով էլ ուզում է գնա, նրան պետք է մաղթել հաջողություն և սպասել այդ օրվան: Ես ուզում եմ, որ գոնե 1 անգամ «Եվրատեսիլ»-ը հաղթենք, ուզում եմ, որ լավ լինի»,- ասել է Նիկ Էգիբյանը:
Հիշեցնենք՝ «Եվրատեսիլ 2025» երգի միջազգային մրցույթում Հայաստանը կներկայացնի Պարգը`«Survivor» երգով:
Մրցույթի կիսաեզրափակիչ համերգները տեղի կունենան Շվեյցարիայի Բազել քաղաքում, 2025 թվականի մայիսի 13-ին և 15-ին, իսկ եզրափակիչը՝ մայիսի 17-ին:
