«Մեր ընկերությունը համարում եմ ստացված»․ Սիմոնի շնորհավորանքը Պարգին՝ «Դեպի Եվրատեսիլում» նրա հաղթանակից հետո

«Դեպի Եվրատեսիլի» մրցակցությունը թեժ էր լավ ընկերներ Պարգի ու Սիմոնի միջեւ։ Վերջինը հաղթող ճանաչվեց ժյուրիի քվեարկության արդյունքում, սակայն Պարգը հաղթեց հեռուստադիտողների քվեարկությամբ։ Բայց ընկերները կյանքում չեն մրցակցում, եւ սա երեւում է նրանց ինստագրամյան էջերից։ 

Սիմոնը Պարգի հաղթանակից հետո ջերմ շնորհավորել է երգչին ու հաջողություն մաղթել «Եվրատեսիլում»։

«Մեր ընկերությունը համարում եմ ստացված, էնքան մաքրություն ու անկեղծություն կա այդ ամենի մեջ։ Պարգ, քեզ սրտանց շնորհավորում եմ ու հաջողություն եմ մաղթում։ Հա, ու, ի դեպ, շնորհակալություն մեր կանանց՝ @narivaa-ին @anushavakyanofficial-ին, մեզ այդքան ուժ տալու համար»,-գրել է Սիմոնը։

Պարգը «Եվրատեսիլ 2025»-ին կներկայացնի «Survivor» երգը, որով էլ հաղթել է «Դեպի Եվրատեսիլ» մրցույթում։

Թարմ լուրերը Telegram-ում