Logo dark variant
Սեղմեք Enter՝ որոնման համար կամ ESC՝ փակելու համար
Ամփոփելով 2024-ը ELSTYLE.am-ը ներկայացնում է հայկական շոու բիզնեսի այն ներկայացուցիչներին ովքեր ամուսնացել են 2024-ին։
Հայ էստրադային երգիչ, սիրված հանդիսավար Սամվել Գրիգորյանի ընտանիքում ապրիլի 4-ին երջանիկ իրադարձություն էր։ Պատերազմի պատճառով, իսկ հետո Արցախի հայաթափման ծանր օրերին երեք անգամ հետաձգված՝ միակ որդու՝ Նարեկի պսակադրությունը վերջապես կայացավ Աբովյանի Սուրբ Հովհաննես եկեղեցում։
Դվին ռեստորանային համալիրում էլ տեղի է ունեցել հարսանեկան շքեղ արարողությունը՝ նորաստեղծ ընտանիքի հարազատների, հայկական շոուբիզնեսի հայտնի կատարողների մասնակցությամբ։ Հարսանիքին ներկա էր նաև գեներալ Հայկազ Բաղմանյանը, բժիշկներ, բիզնեսոլորտի և քաղաքական դաշտից նախկին դեմքեր։
Ի դեպ, նորապսակները՝ Նարեկ Գրիգորյանն ու Օլյա Օխանյանը, իրենց պսակադրության նվերներ-գումարները բարեգործական նպատակով փոխանցել են տարահանված արցախցի ընտանիքներին՝ որպես օգնություն։
Նշենք, որ հարսանիքի քավորը մոսկվայաբնակ հայտնի պրոդյուսեր Վալերի Սահարյանն է։
Դերասանուհի, բլոգեր Մագա Հարությունյանը և Սուրեն Փահլևանյանը պսակադրվել են։ Զույգն արարաողությունից կադրեր է հրապարակել Ինստագրամում:
«20․04․2024»,- կադրերին կից գրել են պսակադրության ամսաթիվը։
Ռեժիսորի որդին՝ Վահեն ամուսնացել է պարուհի՝ Սուսիի հետ, նրանք հարսանեկան առաջին պարը պարել են Հայկոյի «Սիրում եմ» երգի ներքո:
Երեկոն վարել է դերասան, երգիչ Ներսես Ավետիսյանը, ողջույնի խոսքով հանդես են եկել հաղոդավարուհի Նազենի Հովհաննիսյանը, հաղորդավար Ավետ Բարսեղյանն ու դերասան Խորեն Լևոնյանը: Հարսանեկան արարողությանը ներկա են եղել Արամեն, Ավետ Բարսեղյանը, Սոֆի Մխեյանը, Ներսես Ավետիսյանը, Էրիկը, Սիրուշոն՝ ամուսնու՝ Լևոն Քոչարյանի հետ, Արսեն Գրիգորյանը, Նառան, Արսեն Սաֆարյանը և այլն:
Օգոստոսի 24-ին դերասան Մոսո Կարապետյանը ամուսնացել է: Դերասանի ընտրյալի՝ կոսմետոլոգ Միշել Տոնոյանն է:
Սեպտեմբերի 26-ին Menq project-ի երգչուհի Զառայի հարսանիքն էր: Երգչուհու ընտրյալը երաժիշտ Անդրանիկ Գևորգյանն է:
Դերասանուհի Միլենա Վարդանյանը նոյեմբերի 20-ին սոցիալական ցանցերի իր էջերում կիսվել է իր եւ Հայաստանում Կանադայի արտակարգ եւ լիազոր դեսպան Էնդրյու Թըրների պսակադրության կադրերով։ Լուսանկարների հեղինակը Տիգրան Ասլանյանն է։
