«Փորձեք լինել այն, ինչ կաք՝ առանց վախենալու, որ այդպիսին ձեզ չեն սիրի». Լյուսի Հայրապետյան

Մոդել Լյուսի Հայրապետյանը ինստագրամյան էջում Գյումրիից լուսանկարներ է հրապարակել և կից գրառում արել.

«Կյանքի սևում ու սպիտակում կարողացեք ստեղծել գույներ: Դրանք գուցե չկան, բայց կարող են լինել, եթե ուշադիր նայեք:

Գտա՞ք: Իսկ հիմա փորձեք լինել այն, ինչ կաք՝ առանց վախենալու, որ այդպիսին ձեզ չեն սիրի ու չեք լինի հետաքրքիր: Մենք միշտ փորձում ենք համապատասխանել, հարմարեցնել մեզ մեր ընտրածին, լինել հարմար, լինել նրա սրտով, լինել ճիշտ՝ ըստ նրա: Բայց ճիշտը այն է, ինչ կաս: Ու ճիշտը չհամապատասխանելն է, այլ՝ լինել կողքին, թիկունքին, հոգում:

Իրականում, եթե փոխարենը լսենք շուրջբոլորը մշտապես նուրբ ասած խորհուրդ տվող սեփական կյանքն անգամ չդասավորած պարապներին, այդպես էլ չենք ունենա մեր սեփական երջանկությունը:

Իսկ կյանքը այնքան կարճ է: Գրողը տանի, շատ: Ու երջանկությունն էլ ներկա ժամանակի է, այլ ոչ ապագա՝ ոնց մեզ են խաբել: Ու ժամանակն էլ ներկա է, անգամ անցյալ՝ արդեն իսկ»:

Թարմ լուրերը Telegram-ում