Logo dark variant
Սեղմեք Enter՝ որոնման համար կամ ESC՝ փակելու համար
Մարդկանց մեծ մասը չէր էլ ենթադրում, որ իմանալու են անգամ ԱՄՆ նախագահ Ջո Բայդենի սեռական կյանքի մասին, սակայն պարզվում է՝ ամերիկյան պետության ղեկավարին խորթ չեն մարմնական հաճույքները։
The New York Times-ի՝ Սպիտակ տան թղթակից Քեթի Ռոջերսի նոր գիրքը պարունակում է մի քանի բացահայտ պարբերություններ 81-ամյա Բայդենի, նրա ոսկե տարիների սեքսի մասին նրա հայացքների եւ առաջին տիկին Ջիլ Բայդենի հետ ամուսնության մասին: Խոսքը «Ամերիկուհին. ժամանակակից առաջին տիկնոջ փոխակերպումը. Հիլարի Քլինթոնից Ջիլ Բայդեն» գրքի մասին է, որից հատվածներ հրապարակվել են The Times-ում եւ The Guardian-ում։
«Ջոն, գուցե, զուսպ է դարձել սեքսի մասին խոսակցություններից, ինչ նախագահ է դարձել, բայց իր օգնականների առաջ նա կատակել է, որ «լավ սեքսը» ամուր, երջանիկ ամուսնության բանալին է»,-գրում է Ռոջերսը:
Ռոջերսը նաեւ գրել է, որ 2004թ-ին Ջիլ Բայդենը հետ է պահել իր ամուսնուն Ջոն Քերրիի դեմ նախագահական ընտրություններին մասնակցելուց։
«2006 թվականին Ջոին ավելի շատ հետաքրքրում էր Ջիլի հետ տանը մնալը, քան նախագահի թեկնածու առաջադրվելը»,- գրում է հեղինակը,-«Եվ այդ տարի նա նույն բանն ասել էր մի խումբ համախոհների. «Ես կնախընտրեի տանը սիրով զբաղվել կնոջս հետ, մինչ երեխաներս քնած են»:
Ջո եւ Ջիլ Բայդեններն ամուսնացել են 1977 թվականի հունիսի 17-ին․ Բայդենը նրան հինգ անգամ ամուսնության առաջարկություն էր արել։ Նրանց սիրավեպը, կարծես, ավելի ամուր է դառնում 46 տարի անց։ Բայդենը 2022 թվականի Վալենտինի օրը իր կնոջն անվանեց «իր կյանքի սերը»:
Ոչ մի տարօրինակ բան չկա նրանում, որ տարեց տղամարդիկ ակտիվ սեռական կյանք են վարում։ Օրինակ՝ Ալ Պաչինոն 83 տարեկանում որդի ունեցավ իր 29-ամյա ընկերուհուց՝ Նուր Ալֆալլահից: Ռոբերտ Դե Նիրոն էլ անցած տարի հայտարարեց, որ 79 տարեկանում ունեցել է իր յոթերորդ երեխային։
Ցանկացած ակնարկ այն մասին, որ Բայդենը շարունակում է սեռական ակտիվ կյանք վարել, կարող է բարենպաստ լինել 2024 թվականի նախագահական ընտրարշավի համար: Հատկապես այն բանից հետո, երբ փետրվարին հատուկ դատախազ Ռոբերտ Գուրը հրապարակեց խիստ անհավանական զեկույց, որը կասկածի տակ էր դնում Բայդենի հիշողությունը:
Հանրապետական քաղաքական գործիչները նաեւ մտահոգություն են հայտնել նախագահի տարիքի հետ կապված եւ քննադատել են նրա մտավոր կարողությունները, բայց Բայդենը վճռականորեն հետ է մղում այդ քննադատությունները: Բայդենը դժվար, թե դուրս մնա 2024 թվականի մրցավազքից:
