Պրոֆեսիոնալ բռնցքամարտիկ Հայկ Հարությունյանը հերթական մենամարտն անցկացրեց և հերթական համոզիչ հաղթանակը տարավ:

Այս անգամ Հարությունյանի մրցակիցը ազգությամն Քուրդ՝ Սարբի Ուլաս Գոյեցման էր:

Սա Հայկ Հարությունյանի չորրորդ մենամարտն էր, որոնցում նա 4 հաղթանակ է տարել:

EXCLUSIVElife.am-ի խնդրանքով Հայկը անդրադարձավ նախորդ մենամարտի շուրջ ստեղծված տհաճ իրավիճակին:

«Դեռևս օգոստոսին ես տվեցի իմ համաձայնությունը մենամարտելու Ֆրանսիայի 6 ակի չեմպիոն, Եվրոպայի չեմպիոն IBO վարկածով ինտերկոնտինենտալ չեմպիոն Ֆրենկ Հարոխեյի հետ: Բանակցություններից ընդամենը մեկ շաբաթ անց ֆրանսիական կողմը Ֆրենկին փոխարինեց մեկ այլ բռնցքամարտիկով, ես կրկին տվեցի իմ համաձայնությունը: Մենամարտից ընդամենը 10 օր առաջ փոխարինված հակարակորդս անհասկանալի պատճառով հրաժարվեց մենամարտից, ցավոք` ֆրանսիական կողմը չկարողացավ գտնել հակարակորդ: Շնորհակալություն իմ մենեջերին փայլուն աշխատանքի համար, կարճ ժամկետում կարողացավ գտնել տեղ և հակառակորդ, ինչը պրոֆեսիոնալ բռնցքամարտում իսկապես խնդիր է: Հատուկ շնորհակալություն ֆրանսահայ համայնքին պատրաստակամություն ցուցաբերելու համար, հուսով եմ դեռ հնարավորություն կստանամ մենամարտել ֆրանսիայում»,- ասաց Հայկը:

Նյութը՝ Էմին ՄԱԹԵՎՈՍՅԱՆԻ
Լուսանկարները՝ Հայկ Հարությունյանի անձնական արխիվից