Կամերայինում չեղարկվել են Զիրոյանի մասնակցությամբ ներկայացումները
Երեւանի կամերային թատրոնը տեղեկացրել է, որ Զիրոյանի վնասվածքի պատճառով իրենց խաղացանկում փոփոխություն է տեղի ունեցել:
«Ցավոք, դերասանի մարմնական վնասվածքի պատճառով «Համլետ» ներկայացումն այսօր կփոխարինվի «Ինչ տարբերություն, թե ում հետ» ներկայացմամբ: Դեկտեմբերի 21-ին ու 24-ին կայանալիք « Հոբելյանական հաճախորդ»-ները կփոխարինվեն «5+1 պատմություն սիրո մասին» բազմաժանր ներկայացմամբ»,- նշված է թատրոնի տարածած հայտարարության մեջ:
Զիրոյանն էլ Ֆեյսբուքի իր էջում տեսաուղերձով է հայտնել չեղարկումների մասին:
«Չարություն եմ արել ու վնասել ոտքս: Հայցում եմ ձեր ներողամտությունը: Շուտ կվերադառնամ Կամերային թատրոնի բեմ ու կկատարեմ պարտքս: Սիրում եմ ձեզ, իմ սիրելի հանդիսատես, իսկ ինձ շուտափույթ ապաքինում»,- հայտնել է դերասանը:
