Logo dark variant
Սեղմեք Enter՝ որոնման համար կամ ESC՝ փակելու համար
Կազմակերպչական խորհրդից հայտնում են, որ Արագածի լանջին օգոստոսի 29-ին նախատեսված համերգ-նկարահանման տարածք են եկել միջոցառման հետ կապ չունեցող 3 հոգի՝ ավտոմեքենաներով, նրանք տեղավորվել են լճի հակառակ ափին և հայտնվել նկարահանման կադրում: Կազմակերպիչների խնդրանքներից հետո նորից են սկսել աղմկել, դիտավորությամբ գոռգոռալ և սուլել՝ խանգարելով նկարահանումներին և ձայնագրությանը:
«19:20-ի հատվածում համերգախմբի հետ լճի մոտ գտնվող հանդիսատեսները գնացել և այդ խմբին բացատրել են իր վարքի անընդունելի լինելը, որից հետո խումբը հեռացել է, սակայն քիչ անց վերադարձել է, դիտել է մասնակիցներին և ավտոմեքենաները, ապա նորից է լքել տարածքը:
Ճանապարհին խմբի անդամները հարձակվել են համերգային անձնակազմի առաջին մի քանի ավտոմեքենաների վրա, կոտրել են մեքենաներից մեկի ապակին, որում Տիգրան Համասյանն է եղել, մյուս մեքենայի վարորդի դեմքին մի քանի հարված են հասցրել, վարորդի գլուխը խփել ղեկանվին մի քանի անգամ:
Հաղորդում է տրվել ոստիկանությանը հանցագործության մասին», - նշված է հայտարարության մեջ:
