Logo dark variant
Սեղմեք Enter՝ որոնման համար կամ ESC՝ փակելու համար
Մոդել, հաղորդավարուհի Լյուսի Հայրապետյանը սոցցանցային իր էջերում հաճախ է հրապարակումներն անում երկար ու գեղեցիկ տեքստերով: Այս անգամ նա ծովափնյա լուսանկարներով է կիսվել ու ինքն իր մասին մի քանի բացահայտում արել:
«Հաճախ եմ լսում իմ մասին կարծիքներ՝ մեկը մյուսից տարբեր ու ինձ անհամապատասխան: Վստահաբար, շատերիդ աչքերում Լույսիկը ուժեղ, չկոտրվող, նույնիսկ գոռոզ ու «սծյեռվա» տիպ է, բայց մասամբ իրականությունն այլ է: Հաճախ եմ կոտրվում, թուլանում ու ինձ կորցնում, թաքցնում աշխատանքում, որ չգժվեմ անարդարությունից, չհարգանքից, չսերից, չմարդակայինից»,- նշել է մոդելը:
Լյուսին խոստովանել է, որ վերջին ամիսներն առավելագույնս լարված ու արցունքոտ են եղել, բայց կարողացել է ուժ գտնել նորից լինելու, սիրելու ու սեր տալու, նորից սիրվելու ու սիրվել թույլ տալու:
«Կյանքը հակասությունների շարան է, որտեղ լիարժեք չի ստացվում ոչինչ, բայց կարեւորը՝ չեմ հոգնի փորձելուց, ձգտելուց ու երազելուց»,- շեշտել է նա:
