Logo dark variant
Սեղմեք Enter՝ որոնման համար կամ ESC՝ փակելու համար
Հայաստանի Պրեմիեր լիգայի 35-րդ տուրում «Փյունիկը» տանը 3-0 հաշվով հաղթեց առաջատար «Նոային»։
Հանդիպման 43-րդ րոպեին 11-մետրանոցը հստակ իրացրեց տանտերերի կիսապաշտպան Հովհաննես Հարությունյանը։ 76-րդ րոպեին տանտերերի առավելությունը կրկնապատկեց նիգերիացի Յուսուֆ Օտուբանջոն, իսկ 85-րդ րոպեին Անտոն Բռատկովը դրեց հանդիպման վերջակետը։
Այդ հաղթանակից հետո Եղիշե Մելիքյանի գլխավորած թիմը վաստակեց 79 միավոր և բարձրացավ առաջին տեղ: «Նոան» 77 միավորով երկրորդն է:
Վերջին տուրում «Փյունիկը» Գյումրիում կմրցի «Շիրակի» հետ, իսկ «Նոան» տանը կընդունի «Վեսթ Արմենիային»: Երկու հանդիպումներն էլ կայանալու են մայիսի 25-ին` 17:30-ից սկսած։
Հայաստանի Պրեմիեր լիգա, 35-րդ տուր
«Փյունիկ» - «Նոա»` 3-0
Հովհաննես Հարությունյան, 43 (11 մ), Յուսուֆ Օտուբանջո, 76, Անտոն Բռատկով, 85
