Logo dark variant
Սեղմեք Enter՝ որոնման համար կամ ESC՝ փակելու համար
ՌԴ հասարակական գործիչ, Անվտանգության և կոռուպցիայի դեմ պայքարի դաշնային նախագծի ղեկավար Վիտալի Բորոդինը հայտարարել է, որ ինքը ՌԴ Գլխավոր դատախազությունից պատասխան է ստացել երգչուհի Ալլա Պուգաչովային որպես օտարերկրյա գործակալ ճանաչելու իր խնդրանքին։
Նրա խոսքով՝ դատախազությունը կդիմի արդարադատության նախարարությանը՝ համապատասխան ընթացակարգ սկսելու համար, գրում է kommersant.ru-ն։
«Ռուսաստանի Դաշնության գլխավոր դատախազությունից ստացա իմ դիմումի պատասխանը։ Ալլա Պուգաչովային որպես օտարերկրյա գործակալ ճանաչելու ընթացակարգը սկսվել է, դատախազությունը խնդրում է ՌԴ արդարադատության նախարարությանը Պուգաչովային ճանաչել որպես օտարերկրյա գործակալ։ Հուսով եմ, որ կարգավորող մարմինները վերջ կդնեն այս գործին»,- գրել է Բորոդինը Telegram-ում:
Նա իր խոսքերը հաստատող որևէ փաստաթուղթ չի ներկայացրել։
