Logo dark variant
Սեղմեք Enter՝ որոնման համար կամ ESC՝ փակելու համար
Միլիարդատեր Ջորջ Սորոսի որդու՝ Ալեքսի եւ Հիլարի Քլինթոնի նախկին օգնական Հումայի սիրավեպը զարմացրել է Ամերիկայի քաղաքական էլիտային։
Ավելի վաղ Աբեդինը Սուրբ Վալենտինի օրվա առթիվ լուսանկար էր հրապարակել Ալեքսի հետ։ 47-ամյա Աբեդինն ու 38-ամյա Սորոսը գրկախառնված էին փարիզյան ռեստորանում՝ կարմիր վարդերով զարդարված սեղանի շուրջ։
Մարդիկ, ովքեր տեղյակ են եղել սիրավեպի մասին, ասել են, որ իրենց խնդրել են լռել: Սակայն Քլինթոնի նախկին ավագ օգնականներից մեկը Page Six-ին ասել է. «Սա տիպիկ «քլինթոնական» զույգ է: Ալեքսը կատարյալ համապատասխանում է Հումային: Նա շատ հարուստ է եւ հզոր՝ այն ամենը, ինչ Հումային հետաքրքրում է:
Հուման միշտ ցանկացել է հանդիպել ինչ-որ մեկի հետ, ով կլինի թագավորական ընտանիքի ամերիկյան տարբերակը»։
Սա, առնվազն, կարող է լինել շատ խելամիտ դեմոկրատական դինաստիայի սկիզբը:
Աբեդինը երկար ժամանակ համարվում էր Հիլարիի «երկրորդ դուստրը»։ Անցյալ տարի Ալեքս եւ Բիլ Քլինթոնները ուխտագնացություն կատարեցին Հռոմի Պապ Ֆրանցիսկոսի մոտ եւ արժանացան Վեհափառի մասնավոր ընդունելությանը:
«Ես, իսկապես, ուրախ եմ նրա համար»,- Page Six-ին ասել է Աբեդինի ընկերներից մեկը,-«Նա այնքան շատ է աշխատում եւ արժանի է երջանիկ լինել: Ես, պարզապես, հուսով եմ, որ նա երջանիկ է, նա այնքան շատ բանի միջով է անցել»:
Լավ տեղեկացված աղբյուրը, ով ճանաչում է Աբեդինին եւ Ալեքսին, ասել է, որ հույս ունի, որ այս հարաբերություններն ավելի առողջ կլինեն Հումայի համար: «Ալեքսն ակնհայտորեն շատ հարուստ է եւ լավ ընտանիքից, նա ուզում է կայուն մեկին, ոչ թե հայտնիի»:
