«Ինտերի» մարզաբազայի մոտ երկրպագուները դիմավորել են Հենրիխ Մխիթարյանին

Իտալիայի փոխչեմպիոն Միլանի «Ինտերի» նորեկ, Հայաստանի հավաքականի կիսապաշտպան Հենրիխ Մխիթարյանին երկրպագուները դիմավորել են ակումբային մարզաբազայի մոտ։ 33-ամյա ֆուտբոլիստը լուսանկարվել է երկրպագուների հետ ու ինքնագրեր բաժանել։

Հիշեցնենք, որ «Ռոմայից» ազատ գործակալի կարգավիճակում հեռացած Մխիթարյանը «Ինտերի» հետ կնքել է 2 տարվա պայմանագիր։

Ավելի վաղ նա իր ինստագրամյան էջում տեսանյութ էր հրապարակել` «Ռոմային» շնորհակալություն հայտնելով համագործակցության համար։