Արթուր Շահինյանը, Գևորգ Ղարիբյանը և Դավիդ Օվասափյանը ևս պարտվեցին քառորդ եզրափակչում

Հունահռոմեական ոճի հայ ըմբիշ, 60 կգ քաշային Գևորգ Ղարիբյանը Բուդապեշտում ընթացող օլիմպիական վարկանիշային մրցաշարի քառորդ եզրափակիչում ցավալի պարտություն կրեց Ադրբեջանի ներկայացուցիչ Մուրադ Մամադովից՝ 1-5 հաշվով։ Մամադովը դուրս եկավ կիսաեզրափակիչ, իսկ Ղարիբյանը զրկվեց օլիմպիական ուղեգրի համար պայքարելու հնարավորությունից։

Ղարիբյանը պայքարը սկսել էր 1/8 եզրափակչից, որտեղ 7-0 հաշվով հաղթել էր լեհ Դավիդ Էրսետիկին։

Քառորդ եզրափակչում պարտություն է կրել նաև 130 կգ քաշային Դավիդ Օվասափյանը։ Նա 1-3 հաշվով զիջել է հունգարացի Ադամ Վարգային։ Օվասափյանը պայքարը սկսել էր 1/8 եզրափակչից, որտեղ 5-1 հաշվով հաղթել էր ֆին ըմբիշին։

Հունահռոմեական ոճի ըմբիշ, 87 կգ քաշային Արթուր Շահինյանը Բուդապեշտի մրցաշարի քառորդ եզրափակչում 6-4 հաշվով ցավալի պարտություն կրեց Վրաստանի ներկայացուցիչ Լաշա Գոբաձեին։ Հայ ըմբիշն, այս կերպ, զրկվեց օլիմպիական ուղեգրի համար պայքարելու հնարավորությունից։

Շահինյանը պայքարը սկսել էր 1/8 եզրափակչից, որտեղ 6-2 հաշվով առավելության էր հասել խորվաթ Իվան Հուկելկի նկատմամբ։