Logo dark variant
Սեղմեք Enter՝ որոնման համար կամ ESC՝ փակելու համար
Արարատի մարզի Արարատ գյուղի բնակիչ 20-ամյա Արման Սարոյանը այսօր տեղեկացել է, որ իր լուսանկարը ադրբեջանցի բլոգերները որպես մահացած հայ զինծառայողի լուսանկար են տարածել սոցցանցերում: Ամռանը զորացրված զինծառայողի ծնողները անակնկալի են եկել, երբ արտասահմանում գտնվող նրանց բարեկամները զանգել եւ հայտնել են այդ մասին:
NEWS.am-ի հետ զրույցում Արմանը պատմեց, որ հուլիսին է զորացրվել։
«Լուսանկարը հունիս ամսվա է, իրենք վերցրել են «Հետք»-ի ֆոտոռեպորտաժից եւ գրել են, որ իբր ես մահացել եմ հյուսիսային հատվածում, բայց ես տանն եմ, չեմ զոհվել: Բարեկամները զանգում են, տնեցիքին հարցնում են` ինչպես է զոհվել: Ես այս պահին հոգեւոր ծառայության եմ, Արարատի Սուրբ Հակոբ եկեղեցում դպիր եմ»,- պատմեց Արման Սարոյանը:
Արման Սարոյանը հավելեց, որ շուտով որպես կամավոր է մեկնելու ռազմաճակատ։
.jpg)
