«Ես ձեզ հետ եմ, տղե՛րք, ես ձեզանից մե՛կն եմ, ես ի՛մ ՀԱՅՐԵՆԻՔԻ զինվորն եմ…»․ Արթուր Ալեքսանյան
Օլիմպիական խաղերի, աշխարհի և Եվրոպայի չեմպիոն Արթուր Ալեքսանյանն իր զորակցությունն է հայտնել հայ զինվորին ու հրավիրել միջազգային կառույցների ուշադրությունը։
«Հրավիրում եմ միջազգային բոլոր կառույցների ուշադրությունը ՀՀ Տավուշի մարզում ադրբեջանական զինված ուժերի կողմից իրականացվող գործողություններին, ադրբեջանական իշխանությունների կողմից հնչող սպառնալիքներին:
Հայ-ադրբեջանական պետական սահմանագծում հավաքական եկվորների կողմից բազմիցս խախտվում է անդորրը, վախկոտները հազիվ էլ գաղտնի ու գիշերով համարձակվեն հարձակվել: Բանակը քանակով չի որոշվում, այլ հայրենիքին զինվորագրված երդվյալ, անզիջում պայքարող և հակահարված տվող փառապանծ զինվորներով:
Ես ձեզ հետ եմ, տղե՛րք։
Ես ձեզանից մե՛կն եմ։
Ես ի՛մ ՀԱՅՐԵՆԻՔԻ զինվորն եմ…», - «Ինստագրամ»-ի իր էջում գրել է Ալեքսանյանը։
