Տեղի ունեցավ «Ա.Կ.Ա» ֆիլմ պրեմիերան

Ա.Կ.Ա.՝ Արամ, Կարեն, Արթուր. երկու եղբայր ու մեկ ընկեր, ուժեղ բնավորություններ, որոնք ճակատագրի բերումով հայտնվել են կյանքի հակառակ բևեռներում. այսօրվանից մեծ էկրաններ բարձրացավ ռեժիսոր Արմեն Միրզոյանի «Ա.Կ.Ա» ֆիլմը: Սյուժեի հիմքում երկու հարազատ եղբայրների և ընկերոջ պատմությունն է միաձուլված մի քանի կյանքերով ու ճակատագրերով:

Ֆիլմը արտացոլում է 90-ականների հայաստանյան իրականությունը, ուր տեղ են գտել ընկերությունը, դավաճանությունը, նվիրվածությունը, սերն ու ընտանիքը:
Բեմադրող ռեժիսոր Արմեն Միրզոյանի խոսքով Ֆիլմի գաղափարը իրենն ու Սարգիս Գրիգորյանինն է եղել, իրականացման համար աշխատել է մեծ թիմ։ Քանի որ ժանրը դրամա է՝ աշխատել են տարբեր մասնագետների հետ՝ հոգեբաններ, իրավաբաններ և այլն։

Ֆիլմի նկարահանումները հիմնականում տեղի են ունեցել Երևանում: Կոմպոզիտոր Արման Էլբերտի կողմից հատուկ ֆիլմի համար գրվել է երաժշտություն: Գլխավոր դերերում իրենց անզուգական խաղով հանդես են եկել հիմնականում հայտնի դերասաններ՝ Սարգիս Գրիգորյան, Խորեն Լեւոնյան, Նարինե Պետրոսյան, Արաբո Գրիգորյան, Աննա Գրիգորյան եւ Աննա Դովլաթյան: Ֆիլմն աչքի է ընկնում համարձակ և կտրուկ տեսարաններով:

«Ա.Կ.Ա» ֆիլմը ցուցադրվում է բոլոր կինոթատրոններում։