Դիանա Մալենկոն՝ «Արմենիա TV» տեղափոխվելու մասին
Ինչպես արդեն տեղկեկացրել ենք՝ Դիանա Մալենկոն և Արտակ Վարդանյանը այսուհետ կվարեն «Արմենիա TV»-ի «Բարի լույս» առավոտյան ծրագիրը։ Նրանք միացել են Ավո Խալաթյան ու Լուսինե Թովմասյան հաղորդավարական զույգին։
Դիանան լսարանին ներկայացել է ժամանցային տարբեր նախագծերով, բայց առավոտյան հաղորդում առաջին անգամ է վարում։ Նրա խոսքով՝ հիանալի տպավորություններ ունի։ «Ամեն ինչի առաջինը տպավորվող ու անմոռանալի է: «Բարի լույսն» էլ դարձավ առաջին ու չմոռացվող: Նոր էջ ու նոր զգացողություններ»,- Tert.am Life-ի հետ զրույցում ասաց հաղորդավարուհին ու հավելեց, որ վաղ առավոտյան արթնանալն իր համար խնդիր էր, բայց անհաղթահարելի ոչինչ չկա։
Դիանան նոր թիմ տեղափոխվեց մտերիմ ընկերոջ՝ Արտակ Վարդանյանի հետ, որը նաև նրա հաղորդավարական զույգն է դարձել։
