«Տարվա հայկական հարսանիքները». ովքեր ամուսնացան 2018-ին

Հարսանեկան արարողությունը յուրաքանչյուր զույգի համար ամենասպասված առիթն է։ Դրա հանդեպ հետաքրքրությունը հատկապես մեծանում է, երբ ամուսնանում են հայկական շոու բիզնեսի ներկայացուցիչները: Շատերը սպասում են մասնավորապես, թե ինչ հարսանեկան զգեստ է ընտրել հարսը, ինչ արժե այն, և վերջապես, ովքեր են ներկա լինելու հարսանիքին: Տարին ամփոփելով՝ EXCLUSIVElife.am-ը ներկայացնում է այն հայտնիներին, ովքեր ամուսնացան 2018-ին:


Աննա Դովլաթյան և Դավիթ Աղաջանյան

Վեց տարի ընկերություն անելուց հետո՝ այս տարվա օգոստոսի 25-ին, Աննան և Դավիթը պսակադրվեցին: Մուղնու Սուրբ Գևորգ եկեղեցում զույգն իրար հավերժ սիրելու խոստում է տվել։ Ի դեպ, Աննային եկեղեցի է ուղեկցել հայրը:

Հարսանեկան կազմակերպչական հարցերով Աննան և Դավիթն են զբաղվել՝ ամեն ինչ կազմակերպելով իրենց ճաշակով:



Սոնա Աբրահամյան և Դավիթ Միրոյան

Սեպտեմբերի 16-ին Սաղմոսավանք եկեղեցում պսակադրվեցին հաղորդավարուհի Սոնա Աբրահամյանը և Դավիթ Միրոյանը: Զույգը երկու շաբաթվա ընթացքում է նախապատրաստվել հարսանիքին և ամեն ինչ արել էր մինիմալիստական ոճով: Ի դեպ, Սոնայի հարսանեկան զգեստի հեղինակը դիզայներ Արամ Նիկոլյանն է:



Էդգար Իգիթյան և Լուսինե

Սեպտեմբերի 16-ը հիշարժան էր նաև դերասան Էդգար Իգիթյանի և Լուսինեի համար։ Զույգը Մուղնու Սուրբ Գևորգ եկեղեցում իրար հավերժ սիրելու խոստում տվեց: Էդգարն ու սիրելին միմյանց հանդիպել են միանգամից եկեղեցում:

Զույգը պսկադրվել է հայտնի դիզայներ Արփինե Կոշտոյանի և նրա ամուսնու՝ Հայկ Արզումանյանի քավորությամբ, ով Էդգարի մանկության ընկերն է:



Շուշաննա Թովմասյան և Վահե Սայան

Հոկտեմբերի 16-ին ամուսնացել է դերասանուհի Շուշաննա Թովմասյանը, ում ընտրյալը ռեժիսոր Վահե Սայանն է: Զույգի պսակադրությունը տեղի է ունեցել Սաղմոսավանք եկեղեցում: Ի դեպ, Վահեն և Շուշաննան ընկերություն են անում արդեն մոտ մեկուկես տարի:



Նարե Համբարձումյան և Արմեն Սարգսյան

Հուլիսի 1-ին Օշականի Սուրբ Մեսրոպ Մաշտոց եկեղեցում պսակադրվել են հաղորդավար Արմեն Սարգսյանը և երգչուհի, հաղորդավարուհի Նարե Համբարձումյանը: Զույգը ծանոթացել է մոտ մեկ տարի առաջ ընդհանուր ծանոթներից մեկի միջոցով:



Ձյունիկ և Մեսրոպ Խաչատրյան

Ինստագրամից հայտնի դարձած Ձյունիկ Վարդանյանը հունիսի 29-ին ամուսնացել է, վերջինիս ընտրյալը Մեսրոպ Խաչատրյանն է: Զույգը շքեղ խնջույք էր կազմակերպել Երևանի ռեստորաններից մեկում։ Ի դեպ, այդ օրը Ձյունիկին սիրելին երգ էր նվիրել Ռազմիկ Ամյանի կատարմամբ:



Էմին Մաթևոսյան և Տաթևիկ Մնեյան

2018-ի օգոստոսին Ծաղկաձորի Կեչառիս վանական համալիրում տեղի ունեցավ EXCLUSIVElife.am ժամանցային կայքի հիմնադիր Էմին Մաթևոսյանի պսակադրության արարողությունը: Էմինի ընտրյալը Տաթևիկն է, ում հետ ծանոթացել է Սևանում:

Մարտա Կիրակոսյան և Նահո

Երգչուհի Մարտա Կիրակոսյանը և Նահոն դեկտեմբերի 2-ին Սուրբ Սարգիս եկեղեցում իրար հավերժ սիրելու խոստում տվեցին: Երգչուհու ընտրյալը ֆիտնես մարզիչ է։ Նա հաղորդավար Ֆելիքս Խաչատրյանի եղբայրն է: Երգչուհին կրում էր հանրահայտ Yolan Crist ապրանքանիշի հարսանյաց զգեստ:

Սիլվի Բարկովա

Հայկական հեռուստասերիալներից եւ սիթքոմներից հայտնի դերասանուհի Սիլվի Բարկովայի ընտրյալն ազգությամբ հնդիկ է, հարսանյաց արարողությունն անցել է Հնդկաստանում՝ հնդկական ավանդույթներով: