«Նեմրա»-ն շուտով մենահամերգով հանդես կգա. խմբի անդամ Վանը խոսել է «Դեպի Եվրատեսիլ» նախագծի և սպասելիք նորությունների մասին

EXKLUSIVElife.com-ը ներկայացնում է բացառիկ հարցազրույց «Նեմրա» խմբի անդամ Վան Եղիազարյանի հետ, ով մեզ հետ զրույցում խոսել է խմբի ստեղծման, «Դեպի Եվրատեսիլ» նախագծից, ինչպես նաև սպասելիք նորությունների և «Նեմրա»-ի ասելիքի մասին:

- Ինչպես ստեղծվեց Նեմրա խումբը:
- Տիեզերքում մեծ պայթյուն տեղի ունեցավ և առաջացավ Նեմրա մոլորակն ու Նեմրա խումբը

- Եթե ամփոփենք Դեպի Եվրատեսիլ նախագիծը ապա ինչպիսին էր այն:
- «Դեպի Եվրատեսիլ» նախագիծը հաջողված էր մեզ համար, քանի-որ մեր լսարանի թիվն անհամեմատելիորեն աճեց, մենք ծանոթացանք շատ հետաքրքիր մարդկանց հետ, ում հետ սիրով պահպանում ենք կապը նախագծից հետո և պարզապես լավ ժամանակ անցկացրեցինք:

- Դեպի Եվրատեսիլ նախագծից հետո եղան տարբեր հայտարարություններ, որոնք մեծ քննարկումների տեղիք տվեցին, ինչպես եք վերաբերվում այդ ամենին և արդյոք համաձայն եք այն մտքին, որ «իրեն հարգող կատարողը այլևս չի մասնակցի այս նախագծին»:
- Մենք նմանատիպ կարծիքների չենք հանդիպել, ամեն դեպքում եթե նախագիծը ինչ-որ առումով կարող է օգնել երաժշտին ավելի ճանաչվել, ինչո՞ւ չփորձել:

- Խոսենք խմբի առաջիկա անելիքների մասին, ինչ նորություններ սպասենք առաջիկայում:
- Առաջիկայում սպասեք մեր մենահամերգին, իսկ մի փոքր ավելի ուշ հուսով ենք նոր տեսահոլովակների և 2-րդ ալբոմների:

- Որն է Նեմրայի ասելիքը:
- Եթե ասելիքը լիներ ընդհամենը մեկը, անիմաստ կլիներ մեր գործունեությունը: Մեր ամեն մի երգն իր առանձին իմաստն ունի և իմաստները բազմազան են, թե՛ անձնական, թե՛ գլոբալ:

Նյութը՝ Էմին ՄԱԹԵՎՈՍՅԱՆԻ
Լուսանկարները՝ «Նեմրա»-ի անձնական արխիվից